Fínt að henda í deigið ca 2 klst áður en á að bera brauðið fram. Uppskriftin passar í 6 kökur sem eru steiktar á þurri pönnu.
1 tsk (4 gr) þurrger
125 ml volgt vatn
1 msk sykur
30 gr mjólk
30 gr hrært egg (1/2 egg)
1/2 tsk salt
270 gr hveiti
2 msk brætt smjör
Þurrger og sykur sett í volgt vatn og látið standa þar til gerinn fer að freyða. Hræra saman mjólk og egg, setja hveiti og salt í skál. Þegar gerinn freyðir er öllu blandað útí hveitið ásamt brædda smjörinu og hrært saman með sleif. Hnoðað í lokin til að ná því vel saman. Ekki þarf að hnoða lengi. Deigið á að vera frekar blaut en ekki þannig að það klístrist við fingurna.
Breiða yfir deigið í skálinni og láta standa í 1-1,5 klst á volgum stað eða þar til deigið hefur tvöfaldast í stærð. Takið þá deigið og setjið á hveitistráð borð (mjög lítið hveiti). Skiptið deiginu í 6 bita og mótið kúlur. Látið þær standa undir klút í 15 mínútur áður en þær eru flattar út með höndunum. Alveg hægt að nota kökukefli líka en þær þurfa að vera svona 3-4 mm þykkar.
Panna hituð vel og ef þarf, þá má strjúka örlítilli olíu á hana, annars bara hafa hana þurra. Ég er með keramikpönnu og hef hana þurra.
Flatkökurnar eru svo steiktar í ca 1.1,5 mín áður en þeim er snúið við. Síðari hliðina þarf að steikja aðeins styttra. Því heitari sem pannan er, þeim mun meiri búbblur myndast á deiginu og það verður líkara upprunalega naan brauðinu.
Ég var með brætt smjör með mörðu hvítlauksrifi og söxuðum kóríander sem ég penslaði brauðið með. Þetta var TRYLLT GOTT !!